Melaniya Tramp məktəbliləri süni intellektə həvəsləndirir
Amerikanın keçmiş birinci xanımı Melaniya Tramp məktəblilərə çağırış edib. O, şagirdləri süni intellektə daha çox vaxt ayırmağa və ondan istifadə edərək yeni robotlar yaratmağa səsləyib.
Qeyd edək ki, Melaniya Tramp sentyabrın 15-də Şimali Karolinanın şimal-qərbində yerləşən bir ibtidai məktəbə səfər edib. O, şagirdlər, müəllimlər və məktəb heyəti ilə texnologiya və süni intellektin tətbiqi barədə söhbət aparıb. Xanım Tramp ABŞ-ın süni intellekt sahəsində lider mövqeyini qorumalı olduğunu vurğulayıb.
1500 şagird üçün texnoloji dəstək
Ziyarət zamanı birinci xanım məktəbə 100 ədəd kiçik kompüter hədiyyə edib. Bununla da 1500 şagirdin tədris prosesində süni intellekt texnologiyalarına əlçatanlığı təmin edilib.
Melaniya Tramp şagirdlərin bu kompüterlər vasitəsilə süni intellektlə daha çox məşğul olmalarını arzuladığını bildirib. O, şagirdləri süni intellektin köməyi ilə hazırladıqları robotları yaxın zamanda Ağ Evdə ona təqdim etməyə dəvət edib.
Süni intellekt və təhlükəsizlik
Jurnalistlər görüş zamanı Melaniya Trampdan süni intellektin potensial təhlükələri barədə soruşublar.
Birinci xanım cavabında şagirdlərin süni intellektdən bəhrələnməli olduqlarını vurğulayıb: “Təbii ki, ehtiyat tədbirləri də unudulmamalıdır”.
Onun fikrincə, süni intellektdən istifadə etməyən şagirdlər, ondan istifadə edən həmyaşıdlarından geri qala bilərlər.
