Rusiya Baş nazirinin müavini Aleksandr Novak 40 min tonluq ilk dizel tankeri daşıyan gəminin oktyabrın 22-də ABŞ-a yola düşəcəyini açıqlayıb. Rusiya şirkətinin amerikalı tərəfdaşlarla müqavilə imzalamaq mərhələsində olduğu, həmçinin təcili olaraq 300 min ton, noyabrda 500 min ton və sonrakı mərhələdə 1 milyon ton dizel yanacağı verməyə hazırlaşdığı bildirilir.
Rusiya tərəfi iki ölkə rəhbərinin razılaşması çərçivəsində ABŞ-ın yanacaq ehtiyaclarını imkan daxilində qarşılayacağını bəyan edib.
Tədarük həcminin real göstəriciləri
Ukrayna Prezidentinin sanksiya siyasəti üzrə səlahiyyətli nümayəndəsi Vladislav Vlasyuk göndəriləcək bu həcmin bazarda simvolik xarakter daşıdığını vurğulayıb:
“40 min ton dizel təxminən 300 min barelə bərabərdir. ABŞ gün ərzində təxminən 4 milyon barel dizel yanacağı istehlak edir. Yəni bu tanker ABŞ-ın cəmi 2 saatlıq tələbatını ödəyir. ABŞ özü gündəlik 1,5 milyon barel dizel ixrac edir. Yəni gələn tanker ABŞ-ın 4,5 saatlıq ixracına bərabərdir”.
Logistika və bazar müqayisəsi
Yanacağın Ust-Luqa limanından ABŞ terminallarına çatdırılmasının 2,5–3 həftə çəkəcəyi bildirilir. Vlasyuk əlavə edib ki, tanker mənzil başına çatanadək ABŞ gətirilən bu həcmdən 100 dəfə çox – yəni 4 milyon ton öz dizel yanacağını xaricə satmış olacaq.
