Neft hasilatının könüllü azaldılması ilə bağlı öhdəlik götürən yeddi OPEC+ ölkəsi – Rusiya, Səudiyyə Ərəbistanı, İraq, Qazaxıstan, Küveyt, Oman və Əlcəzair – noyabr ayında mövcud neft hasilatı kvotalarını saxlamaq barədə razılığa gəlib.
Bu barədə OPEC-in yaydığı rəsmi məlumatda bildirilib.
Ölkələr üzrə gündəlik hasilat kvotaları
Əldə edilən razılaşmaya əsasən, 2026-cı ilin noyabrında ölkələrin gündəlik neft hasilatı həcmləri aşağıdakı kimi müəyyən olunub:
- Səudiyyə Ərəbistanı: 10,478 milyon barel
- Rusiya: 9,949 milyon barel
- İraq: 4,431 milyon barel
- Küveyt: 2,676 milyon barel
- Qazaxıstan: 1,628 milyon barel
- Əlcəzair: 1,007 milyon barel
- Oman: 841 min barel
Qeyd olunan göstəricilər 2026-cı ilin sentyabr və oktyabr ayları üçün təsdiqlənmiş kvotalarla tam eynidir. Alyans ölkələrinin növbəti görüşünün noyabrın 1-də keçirilməsi planlaşdırılır.
