ABŞ rəhbərliyi Kubaya qarşı sanksiyaları sərtləşdirərək ölkənin maliyyə əməliyyatlarına, o cümlədən özəl sektora dair yeni məhdudiyyətlər tətbiq edib. Miraz.TV xəbər verir ki, bu barədə ABŞ Maliyyə Nazirliyi rəsmi məlumat yayıb.
Maliyyə əməliyyatlarına və bank sisteminə yeni qadağalar
Tramp hökumətinin sanksiyalar siyasətinin coğrafiyasını genişləndirməsi nəticəsində növbəti hədəf bir zamanlar “Azadlıq adası” adlandırılan Kuba olub. Açıqlanan məlumata əsasən, Kuba təhlükəsizlik strukturları ilə əlaqəli qurumlarla hər cür maliyyə əməliyyatları tamamilə qadağan edilib.
Bundan əlavə, ABŞ banklarının Kuba ilə bağlı müəyyən dollar ödənişlərini emal etməsinə və Kuba vətəndaşlarının özəl sahibkar kimi hesablar açmasına şərait yaradan əvvəlki icazələr də ləğv olunub.
Səfər qaydaları və ticarət embarqosunun uzadılması
Yeni məhdudiyyətlər təkcə bank sektorunu deyil, eyni zamanda ABŞ vətəndaşlarının Kubaya səfərlərini də əhatə edir. Qərara əsasən, mədəni mübadilə proqramları və peşəkar tədbirlərlə bağlı qaydalar daha da sərtləşdirilib.
Qeyd edək ki, ABŞ Prezidenti Donald Tramp Kubaya qarşı ticarət embarqosunu 2027-ci il sentyabrın 14-dək uzadıb.
