Rusiya Prezidentinin xarici ölkələrlə investisiya-iqtisadi əməkdaşlıq üzrə xüsusi nümayəndəsi və Rusiya Birbaşa İnvestisiyalar Fondunun (RDIF) rəhbəri Kirill Dmitriyev ABŞ Prezidentinin xüsusi nümayəndəsi Stiv Uitkoffa və Amerika liderinin kürəkəni Cared Kuşnerə Ukrayna üzrə danışıqlar prosesindəki iştiraklarına görə minnətdarlığını bildirib.
Dmitriyev “X” (keçmiş Twitter) sosial şəbəkəsindəki rəsmi hesabında “Təşəkkür edirəm, sülhməramlılar” paylaşımını edərək Uitkoff və Kuşnerin dialoqun təşkilinə verdiyi töhfəni yüksək qiymətləndirib.
Üçtərəfli danışıqlar və Əbu-Dabi görüşü
Rusiya Prezidentinin köməkçisi Yuri Uşakov bildirib ki, Vladimir Putin Stiv Uitkoffla keçirdiyi görüş zamanı noyabrın 10-dan sonra Rusiya və Ukrayna üçün təhlükəsizlik sisteminin qurulması mövzusunda üçtərəfli danışıqları bərpa etməyə hazır olduğunu diqqətə çatdırıb.
Uşakovun sözlərinə görə, Rusiya, ABŞ və Ukrayna arasında üçtərəfli diplomatik təmasların yeni raundu Birləşmiş Ərəb Əmirliklərinin paytaxtı Əbu-Dabi şəhərində keçirilə bilər.
