Birləşmiş Ştatlar hökuməti minlərlə şəxsə ötən il işləmədən əməkhaqqı ödəyib. Ümumi məbləğ 9,5 milyard dollar təşkil edib.
İşdən çıxarılan federal işçilərin sayı 140 mini keçib
Miraz.TV xəbər verir ki, ötən il hökumət bir çox federal işçiyə xüsusi proqramlar çərçivəsində işdən çıxarılmaları barədə xəbərdarlıq edib. Bundan sonra həmin şəxslər işə çıxmayıblar. Ümumilikdə işdən çıxarılan işçilərin sayı 140 mindən artıq olub.
Maraqlıdır ki, bu şəxslər fəaliyyətlərini dayandırsalar da, onlara əməkhaqqı ödənilməsi davam edib. Ötən ilin sentyabr ayının sonuna qədər işləməyən işçilərə ödənilən vəsaitin həcmi 7 milyard dolları keçib, növbəti aylarda isə daha 2,5 milyard dollar ödənilib.
ABŞ Dövlət Hesabatlılığı Ofisinin (GAO) hesabatına görə, bu məbləğ səhvən deyil, ixtisar prosesində rəsmi şəkildə inzibati ödənişlər (ödənişli məzuniyyət) kimi həyata keçirilib.
