Mira TV xəbər verir ki, ABŞ Prezidenti Donald Trump mətbuat konfransında Azərbaycan və Ermənistan arasında 37 ildən bəri davam edən münaqişənin uğurla həll edildiyini açıqlayıb.
Trump, bu irəliləyişin əhəmiyyətini vurğulayaraq deyib: “Münaqişə 37 il davam etdi. Hər iki lider bunun həllinin mümkünlüyünə inanmırdı. Rusiya da problemi həll etməyə çalışdı. Vəziyyət mürəkkəb idi, amma biz uğur qazandıq.”
Avqustun 8-də, ABŞ Prezidenti Donald Trump-ın vasitəçiliyi ilə Azərbaycan Prezidenti İlham Əliyev və Ermənistan Baş naziri Nikol Paşinyan Vaşinqtonda birgə bəyanat imzalayıblar.
Bəyanata əsasən, tərəflər Azərbaycan ilə Ermənistan arasında sülhün bərpasını və münasibətlərin normallaşmasını hədəfləyən sülh sazişinin əvvəldən razılaşdırılmış layihəsini paraflayıblar. Həmçinin, kommunikasiya blokadalarının aradan qaldırılması barədə memorandum imzalanıb.
