Bu gün – 10 iyul 2025-ci il – ABŞ-da federal hakim Cozef Laplante Trampın doğumla vətəndaşlıq hüququnu məhdudlaşdıran sərəncamının bütün ölkə üzrə tətbiqini müvəqqəti olaraq blokladı.
2025-ci ilin yanvarında Tramp sərəncam imzalayaraq yalnız valideynlərindən azı biri ABŞ vətəndaşı və ya yaşıl kart sahibi olmayan körpələrə vətəndaşlıq verilməsini qadağan etmək istəyirdi. Əgər bu qayda qüvvəyə minsəydi, hər il təxminən 150,000 uşaq ABŞ vətəndaşlığından məhrum qalacaqdı.
Federal hakim Laplante sərəncamın ABŞ Konstitusiyasının 14-cü düzəlişinə zidd olduğunu bildirərək onun ölkə üzrə dayandırılması barədə qərar çıxarıb.
Bu dəfəki qərar əvvəlkilərdən fərqli olaraq “class action” – yəni bir qrup insan adından təqdim olunan kollektiv iddia əsasında qəbul olunub. Məhz bu format sayəsində hakim sərəncamın milli miqyasda qüvvəyə minməsinin qarşısını ala bilib.
Hakim qərarın icrasını 7 günlüyə dayandırıb ki, Tramp administrasiyası apellyasiya şikayəti verə bilsin. Yazılı qərarın gün ərzində təqdim olunacağı gözlənilir.
Hazırkı vəziyyətdə Trampın sərəncamı qüvvəyə minməyib və doğumla vətəndaşlıq hüququ hələlik qorunur. Lakin administrasiya qərara qarşı mübarizəni davam etdirə bilər.
Vüsalə İsgəndərova, Humay Cəfərova – MIRA TV
