Bu barədə “The Wall Street Journal” qəzeti mənbələrə istinadən yazır.
Məlumata görə, ABŞ Prezidenti Donald Trampın Ukraynanı Rusiyanın hücumlarından daha güclü qorumaq vədi fonunda administrasiya Pentaqondan Kiyevə əlavə silah, o cümlədən “Patriot” sistemlərinin göndərilməsi üçün mümkün variantları təqdim etməyi xahiş edib.
Qəzetin başqa bir mənbəsinin sözlərinə görə, ABŞ hakimiyyəti həmçinin “Patriot” sistemlərinin Ukraynaya digər ölkələr tərəfindən verilməsi variantını da araşdırır.
Bundan əvvəl “Axios” xəbər vermişdi ki, ABŞ Almaniyaya öz “Patriot” sistemlərindən birini Ukraynaya verməyi təklif edib. Nəşrin məlumatına görə, Tramp iyulun 4-də Ukrayna Prezidenti Volodimir Zelenski ilə telefon danışığı zamanı “Patriot” sistemi üçün dərhal 10 ədəd müdafiə raketi göndərməyə və əlavə raket mənbələri tapmağa yardım etməyə söz verib.
“The Wall Street Journal” qeyd edir ki, bu, Trampın ABŞ-ın əvvəlki prezidenti Co Baydenin administrasiyası tərəfindən təsdiqlənən miqdardan artıq şəkildə Ukraynaya böyük silah sistemi göndərməyə ilk razılığı olacaq.
Vüsalə İsgəndərova
