O, bu ideyanın ABŞ-ın mövcud siyasi sistemi üçün uyğun olmadığını bildirib və üçüncü partiya təşəbbüsünü gülünc adlandırıb.
Tramp bu barədə jurnalistlərə verdiyi açıqlamada deyib:
“Hesab edirəm ki, üçüncü partiyaya başlamaq gülüncdür. Respublikaçılar Partiyası ilə böyük uğurlar əldə etmişik. ABŞ-ın siyasi sistemi həmişə iki partiyalı sistem üzərində qurulub. Üçüncü partiyalar heç vaxt işləməyib. Mask istəsə, bu yolla əylənə bilər, amma bu, yalnız xaos yaradacaq.”
Prezident daha sonra sosial media hesabında paylaşım edərək, İlon Maskla bağlı fikirlərini bir qədər də sərtləşdirib.
“Maskın tamamilə relsdən çıxdığını görmək məni kədərləndirir,” – deyə Tramp bildirib.
Qeyd edək ki, İlon Mask yeni qurduğu siyasi quruma “Amerika Partiyası” (AMEP) adını verib və artıq bu partiyanın qeydiyyatı üçün ABŞ Federal Seçki Komissiyasına müraciət edib.
Vüsalə İsgəndərovova
