Dərin kədər və hüznlə bildiririk ki, Amerika Birləşmiş Ştatlarında yaşayan və uzun illər Azərbaycan diasporu daxilində fəaliyyət göstərən hörmətli ictimai xadim Mənəvvər Vahabovanın anası İsmət Mustafa qızı Kaşıyeva (26 avqust 1935 – 17 avqust 2025) uzun sürən xəstəlikdən sonra 17 avqust 2025-ci il tarixində Nyu Cersidə vəfat etmişdir.
İsmət xanım həyatını zəhmətə, ailəsinə və övladlarının qayğısına həsr etmiş, əsilzadəliyi və dözümlülüyü ilə tanınmışdır. Onun kökləri Azərbaycan mədəniyyətinin tarixi beşiyi olan Şəki şəhərinə bağlı idi.
İsmət ana təkcə ailəsinin dayağı deyil, eyni zamanda Azərbaycan xalqının qəhrəman bir övladını böyütmüş bir ana idi. Birinci Qarabağ müharibəsində şəhid olmuş Kaşıyev Nəsib Nadir oğlunun anası olaraq, o, bu ağır dərdi cəsarət və səbrlə daşımışdır.
Onun övladları həyatlarını Vətən uğrunda mübarizəyə və milli kimliyimizin qorunmasına həsr etmişlər.
Onu tanıyan və sevən hər kəs İsmət ananı zəhmətkeşliyi, şəfqəti və dözümlülüyü ilə xatırlayacaq.
Allah rəhmət eləsin!
Məkanı Cənnət, ruhu şad olsun.
