ABŞ-ın Nyu-York şəhərində 8 Noyabr – Zəfər Günü münasibətilə ənənəvi bayraq qaldırma mərasimi təşkil olunub.
Hər il təşkil edilən bu toplantı Nyu-Yorkun məşhur Uoll-Strit küçəsi yaxınlığındakı tarixi parkda baş tutub.
Diaspor nümayəndələri və rəsmi şəxslər bir araya gəlib
Mərasimə Nyu-York və qonşu ştatlarda yaşayan azərbaycanlılar, diaspor təşkilatlarının təmsilçiləri və ictimaiyyət nümayəndələri qatılıblar.
Tədbirdə Azərbaycanın Diasporla İş üzrə Dövlət Komitəsi sədrinin müavini, eləcə də Azərbaycanın BMT yanında daimi nümayəndəsi, fövqəladə və səlahiyyətli səfir Tofiq Musayev çıxış ediblər.
Mərasimin sonunda Azərbaycanın üçrəngli Dövlət Bayrağı iştirakçıların alqışları altında təntənəli şəkildə ucaldılıb.
