Son günlər ABŞ-də havalar kəskin dəyişib. Hətta bəzi ərazilərdə fırtına qeydə alınıb. Güclü fırtına ABŞ-ın Nyu-York şəhərini və ölkənin şərq sahillərinin digər ərazilərini vurub. Güclü yağış və külək genişmiqyaslı daşqınlara səbəb olub.
Nyu-Yorkda fırtınanın fəsadları
Nyu-Yorkun Bruklin rayonunda ağacın aşması nəticəsində 56 yaşlı kişi həyatını itirib. Fırtına nəticəsində 100 mindən çox ev və müəssisə elektrik enerjisiz qalıb.
Nyu-York ştatının qubernatoru Keti Xoçul Nyu-York, Vestçester dairəsi və Lonq-Aylenddə fövqəladə vəziyyət elan edib.
Mütəxəssislər güclü külək və yağış səbəbindən yeni ağac aşmaları və elektrik enerjisinin kəsilməsi ilə bağlı xəbərdarlıq ediblər.
