Rusiyanın Yekaterinburq şəhərində vəhşicəsinə döyülərək öldürülən azərbaycanlı qardaşlar – Ziyəddin və Hüseyn Səfərovların nəşi qohumlarına təhvil verilib.
Daha əvvəl Azərbaycanın Yekaterinburqdakı Baş Konsulluğu cənazələrin Yekaterinburq Məhkəmə Tibbi ekspertiza bürosunun morqundan alınmasının həyata keçirildiyini açıqlamışdı.
Qeyd edək ki, iyunun 27-si səhər saatlarında Rusiyanın Federal Təhlükəsizlik Xidməti Yekaterinburq şəhərində azərbaycanlıların yaşadığı evlərə basqın edib. Hadisə nəticəsində 2 azərbaycanlı öldürülüb, bir neçə nəfər saxlanılıb.
Qətlə yetirilən şəxslər tanınmış jurnalist Seyfəddin Hüseynlinin qardaşlarıdır.
MiraTV kollektivi olaraq bu ağır itki ilə bağlı mərhumların ailəsinə və yaxınlarına, o cümlədən həmkarımız Seyfəddin Hüseynliyə dərin hüznlə başsağlığı verir, səbr diləyirik. Allah rəhmət eləsin!
